Home >  Passages > Sophocles Oedipus at Colonus 1-18

Oedipus and Antigone arrive at the outskirts of Athens
Οἰδίπους
τέκνον τυφλοῦ γέροντος Ἀντιγόνη, τίνας
χώρους ἀφίγμεθ’ ἢ τίνων ἀνδρῶν πόλιν;
τίς τὸν πλανήτην Οἰδίπουν καθ’ ἡμέραν
τὴν νῦν σπανιστοῖς δέξεται δωρήμασιν;
σμικρὸν μὲν ἐξαιτοῦντα, τοῦ σμικροῦ δ’ ἔτι
μεῖον φέροντα, καὶ τόδ’ ἐξαρκοῦν ἐμοί·
στέργειν γὰρ αἱ πάθαι με χὠ χρόνος ξυνὼν
μακρὸς διδάσκει καὶ τὸ γενναῖον τρίτον.
ἀλλ’, ὦ τέκνον, θάκησιν εἴ τινα βλέπεις
ἢ πρὸς βεβήλοις ἢ πρὸς ἄλσεσιν θεῶν,
στῆσόν με κἀξίδρυσον, ὡς πυθώμεθα
ὅπου ποτ’ ἐσμέν· μανθάνειν γὰρ ἥκομεν
ξένοι πρὸς ἀστῶν, ἃν δ’ ἀκούσωμεν τελεῖν.

Ἀντιγόνη
πάτερ ταλαίπωρ’ Οἰδίπους, πύργοι μέν, οἳ
πόλιν στέγουσιν, ὡς ἀπ’ ὀμμάτων, πρόσω·
χῶρος δ’ ὅδ’ ἱερός, ὡς ἀπεικάσαι, βρύων
δάφνης, ἐλαίας, ἀμπέλου· πυκνόπτεροι δ’
εἴσω κατ’ αὐτὸν εὐστομοῦσ’ ἀηδόνες·
σπανιστός - few
θάκησις, ἡ - place to sit
βέβηλος - unhallowed
ἐξιδρύω - to sit someone down
βρύω - to be full of
ἀηδών, ὁ - nightingale
(1B 2 2005)

Download a pdf of this passage

Constructions illustrated in this passage: