| Hecuba's last moments in Troy |
| Ταλθύβιος: | σύ τ’, ὦ γεραιὰ δυστυχεστάτη γύναι, |
| ἕπου. μεθήκουσίν σ’ Ὀδυσσέως πάρα |
| οἵδ’, ᾧ σε δούλην κλῆρος ἐκπέμπει πάτρας. |
| Ἑκάβη: | οἲ ’γὼ τάλαινα· τοῦτο δὴ τὸ λοίσθιον |
| καὶ τέρμα πάντων τῶν ἐμῶν ἤδη κακῶν· |
| ἔξειμι πατρίδος, πόλις ὑφάπτεται πυρί. |
| ἀλλ’, ὦ γεραιὲ πούς, ἐπίσπευσον μόλις, |
| ὡς ἀσπάσωμαι τὴν ταλαίπωρον πόλιν. |
| ὦ μεγάλα δή ποτ’ ἀμπνέουσ’ ἐν βαρβάροις |
| Τροία, τὸ κλεινὸν ὄνομ’ ἀφαιρήσῃ τάχα. |
| πιμπρᾶσί σ’, ἡμᾶς δ’ ἐξάγουσ’ ἤδη χθονὸς |
| δούλας· ἰὼ θεοί. καὶ τί τοὺς θεοὺς καλῶ; |
| καὶ πρὶν γὰρ οὐκ ἤκουσαν ἀνακαλούμενοι. |
| φέρ’ ἐς πυρὰν δράμωμεν· ὡς κάλλιστά μοι |
| σὺν τῇδε πατρίδι κατθανεῖν πυρουμένῃ. |
| Ταλθύβιος: | ἐνθουσιᾷς, δύστηνε, τοῖς σαυτῆς κακοῖς. |
| ἀλλ’ ἄγετε, μὴ φείδεσθ’· Ὀδυσσέως δὲ χρὴ |
| ἐς χεῖρα δοῦναι τήνδε καὶ πέμπειν γέρας. |
|
|
μεθήκω - to come in quest of
λοίσθιος - last
ἀμπνέω - to breathe freely |
| (1A 1 2001) |
Download a pdf of this passage
Constructions illustrated in this passage: