| Socrates establishes what is holy, what is unholy, and which kinds of disagreements lead to hatred and anger.
|
| Σωκράτης: | φέρε δή, ἐπισκεψώμεθα τί λέγομεν. τὸ μὲν θεοφιλές τε καὶ θεοφιλὴς ἄνθρωπος ὅσιος, τὸ δὲ θεομισὲς καὶ ὁ θεομισὴς ἀνόσιος· οὐ ταὐτὸν δ’ ἐστίν, ἀλλὰ τὸ ἐναντιώτατον, τὸ ὅσιον τῷ ἀνοσίῳ· οὐχ οὕτως; |
| Εὐθύφρων: | οὕτω μὲν οὖν. |
| Σωκράτης: | καὶ εὖ γε φαίνεται εἰρῆσθαι; |
| Εὐθύφρων: | δοκῶ, ὦ Σώκρατες. |
| Σωκράτης: | οὐκοῦν καὶ ὅτι στασιάζουσιν οἱ θεοί, ὦ Εὐθύφρων, καὶ διαφέρονται ἀλλήλοις καὶ ἔχθρα ἐστὶν ἐν αὐτοῖς πρὸς ἀλλήλους, καὶ τοῦτο εἴρηται; |
| Εὐθύφρων: | εἴρηται γάρ. |
| Σωκράτης: | ἔχθραν δὲ καὶ ὀργάς, ὦ ἄριστε, ἡ περὶ τίνων διαφορὰ ποιεῖ; ὧδε δὲ σκοπῶμεν. ἆρ’ ἂν εἰ διαφεροίμεθα ἐγώ τε καὶ σὺ περὶ ἀριθμοῦ ὁπότερα πλείω, ἡ περὶ τούτων διαφορὰ ἐχθροὺς ἂν ἡμᾶς ποιοῖ καὶ ὀργίζεσθαι ἀλλήλοις, ἢ ἐπὶ λογισμὸν ἐλθόντες περί γε τῶν τοιούτων ταχὺ ἂν ἀπαλλαγεῖμεν; |
| Εὐθύφρων: | πάνυ γε. |
| Σωκράτης: | οὐκοῦν καὶ περὶ τοῦ μείζονος καὶ ἐλάττονος εἰ διαφεροίμεθα, ἐπὶ τὸ
μετρεῖν ἐλθόντες ταχὺ παυσαίμεθ’ ἂν τῆς διαφορᾶς; |
| Εὐθύφρων: | ἔστι ταῦτα. |
|
|
στασιάζω: disagree
λογισμός: here, arithmetic
ἀπαλλάσσω: here, ‘to be reconciled’
|
| (1A 2 2013) |
Download a pdf of this passage
This passage has no constructions associated with it yet