Home > Passages > Euripides Electra 82-99
| Orestes explains his plans for vengeance to his friend Pylades |
| Πυλάδη, σὲ γὰρ δὴ πρῶτον ἀνθρώπων ἐγὼ πιστὸν νομίζω καὶ φίλον ξένον τ’ ἐμοί· μόνος δ’ Ὀρέστην τόνδ’ ἐθαύμαζες φίλων, πράσσονθ’ ἃ πράσσω δείν’ ὑπ’ Αἰγίσθου παθών, ὅς μου κατέκτα πατέρα — χἡ πανώλεθρος μήτηρ. ἀφῖγμαι δ’ ἐκ θεοῦ μυστηρίων Ἀργεῖον οὖδας οὐδενὸς ξυνειδότος, φόνον φονεῦσι πατρὸς ἀλλάξων ἐμοῦ. νυκτὸς δὲ τῆσδε πρὸς τάφον μολὼν πατρὸς δάκρυά τ’ ἔδωκα καὶ κόμης ἀπηρξάμην πυρᾷ τ’ ἐπέσφαξ’ αἷμα μηλείου φόνου, λαθὼν τυράννους οἳ κρατοῦσι τῆσδε γῆς. καὶ τειχέων μὲν ἐντὸς οὐ βαίνω πόδα, δυοῖν δ’ ἅμιλλαν ξυντιθεὶς ἀφικόμην πρὸς τέρμονας γῆς τῆσδ’, ἵν’ ἐκβάλω ποδὶ ἄλλην ἐπ’ αἶαν, εἴ μέ τις γνοίη σκοπῶν, ζητῶν τ’ ἀδελφήν· φασὶ γάρ νιν ἐν γάμοις ζευχθεῖσαν οἰκεῖν οὐδὲ παρθένον μένειν· |
| οὖδας - ground, earth ἀλλάσσειν - to repay, requite μήλειος φόνος - the sacrifice of a sheep |
| (1A 2 2001) |
Download a pdf of this passage
Constructions illustrated in this passage: