Demosthenes Against Meidias 21.222-225

It is the power of the laws which gives authority to the jurors.

μηδαμῶς, ὦ ἄνδρες δικασταί, μὴ προδῶτε μήτ’ ἐμὲ μήθ’ ὑμᾶς αὐτοὺς μήτε τοὺς νόμους. καὶ γὰρ αὐτὸ τοῦτ’ εἰ ’θέλοιτε σκοπεῖν καὶ ζητεῖν, τῷ ποτ’ εἰσὶν ὑμῶν οἱ ἀεὶ δικάζοντες ἰσχυροὶ καὶ κύριοι τῶν ἐν τῇ πόλει πάντων, ἐάν τε διακοσίους ἐάν τε χιλίους ἐάν θ’ ὁποσουσοῦν ἡ πόλις καθίσῃ, οὔτε τῷ μεθ’ ὅπλων εἶναι συντεταγμένοι μόνοι τῶν ἄλλων πολιτῶν, εὕροιτ’ ἄν, οὔτε τῷ τὰ σώματ’ ἄριστ’ ἔχειν καὶ μάλιστ’ ἰσχύειν, οὔτε τῷ τὴν ἡλικίαν εἶναι νεώτατοι, οὔτε τῶν τοιούτων οὐδενί, ἀλλὰ τῷ τοὺς νόμους ἰσχύειν.

ἡ δὲ τῶν νόμων ἰσχὺς τίς ἐστιν; ἆρ’ ἐάν τις ὑμῶν ἀδικούμενος ἀνακράγῃ, προσδραμοῦνται καὶ παρέσονται βοηθοῦντες; οὔ· γράμματα γὰρ γεγραμμέν’ ἐστί, καὶ οὐχὶ δύναιντ’ ἂν τοῦτο ποιῆσαι. τίς οὖν ἡ δύναμις αὐτῶν ἐστιν; ὑμεῖς ἐὰν βεβαιῶτ’ αὐτοὺς καὶ παρέχητε κυρίους ἀεὶ τῷ δεομένῳ. οὐκοῦν οἱ νόμοι θ’ ὑμῖν εἰσιν ἰσχυροὶ καὶ ὑμεῖς τοῖς νόμοις. δεῖ τοίνυν τούτοις βοηθεῖν ὁμοίως ὥσπερ ἂν αὑτῷ τις ἀδικουμένῳ, καὶ τὰ τῶν νόμων ἀδικήματα κοινὰ νομίζειν.

καθίζω - appoint
ἀνακράζω - cry out for help

(1B 1 2010)

Download a pdf of this passage

Constructions illustrated in this passage:

prohibition (sentence 266)

Jo Willmott | Ancient Greek sentences

Home > Passages > Demosthenes Against Meidias 21.222-225